O delegado territorial da Xunta en Lugo, José Manuel Balseiro, participou hoxe na xuntanza do Comité de coordinación policial antiincendios que tivo lugar na Delegación Territorial para ultimar detalles de cara á campaña de alto risco de incendios forestais que comezará o 1 de xullo.
Asistiron á xuntanza representantes de diversos servizos da Xunta así como da Administración central e dos corpos e forzas de seguridade implicados no dispositivo, que este ano amplía a duración de tres a catro meses e estará despregado polo territorio ata o 31 de outubro.
