O concello poor medio da Concellalía de Infraestruturas Urbanas, informa dos traballos que se están a realizar estes días, no último treito da Avenida da Coruña, fronte ao cruce coa Avenida Paulo Flavio Máximo. O concelleiro Penas, explicou que “este terreo foi cedido a finais dos anos 90 a cambio de que o Concello construíse a beirarrúa”.
Os traballos consisten na pavimentación do espazo con baldosa de formigón, demolendo a superficie existente e colocando baldosas sobre unha base de formigón. Na zona do paso de peóns disporase o pavimento diferenciado para este tipo de estruturas, e mellorarase o sistema de recollida de augas pluviais.
