Esta tempada a área de Deportes oferta un total de 3.024 prazas nos diversos cursos desta disciplina deportiva que se impartirán nas piscinas de Frigsa e As Pedreiras ata xuño de 2024. Nas clases para crianzas, de periocidade trimestral, poderán participar 1.278 nenos e nenas mentres que nas de adultos existen un total 1.746 matrículas dispoñibles.
Os prezos quedan fixados en 18.40 euros por mes para a matrícula infantil e 22.90 para adultos. O calendario establece tres períodos: o primeiro de outubro a decembro, outro desde xaneiro a marzo e o último que abarca desde o mes de abril ata xuño. O prazo de inscrición comeza o próximo mércores 6 de setembro e remata o día 11 ás 14 horas. Os interesados deben presentar os impresos en Frigsa ou na piscina das Pedreiras. Posteriormente, a matrícula formalizarase entre o 18 e o 21 de setembro nas instalacións do parque da Milagrosa.
