O Concello de Lugo, a través do Servizo de Prevención de Drogodependencias e outras adiccións, adscrito á concellería de Xuventude, organiza, un curso de piloto de drons, dentro da programación do Lugo +Xti 2023, subvencionada polo Plan Nacional sobre Drogas dirixido a lucenses de 16 a 39 anos, empadroados en Lugo.
A actividade dura 2 horas, en horario de 16.00 a 18.00 ou de 18.00 a 20.00, os xoves, venres e os sábados do 13 de abril ao 26 de maio. Os mozos e mozas interesados poden inscribirse de maneira individual ou en parella, xa que non se admitirá a máis de dous participantes na mesma sesión para asegurar a atención merecida e a oportunidade de participación de todos os asistentes.
O curso é gratuíto e conta con 75 prazas. As inscricións estarán abertas dende o 13 de marzo ao 13 de maio, a través da web: www.lugomasxti.org. e será por rigurosa orde ata cubrir prazas. As persoas interesadas deberán indicar a hora de preferencia no formulario de inscrición.
