A área de Medio Ambiente do Concello de Lugo informa de que durante este mediodía procederá a pechar os parques da cidade ante a chegada dun fenómeno meteorolóxico adverso de nivel LARANXA, por choiva e por ventos de ata 100 km/hora que afectarán ao centro de Lugo a partir das 16:00 horas cando tamén se agardan refachos que localmente poderán superar os 120 km/h.
Dende Medio Ambiente explícase que operarios do servizo municipal de Parques e Xardíns están procedendo a precintar os recintos de Rosalía de Castro e de Frigsa, quedando prohibida a entrada aos mesmos dende ese momento.
Ademais, faise un chamamento á cidadanía para pedirlle que respecten estas limitacións, evitando correr riscos innecesarios para non poñer en perigo a súa seguridade.
