Os establecementos D´Nué e Veritas Veritatis foron os gañadores do segundo concurso de decoración de escaparates e establecementos do Arde Lvcvs. Trátase dun certame posto en marcha polo Concello en colaboración coa Federación de Comercio e a Asociación Provincial de Hostaleiros de Lugo para implicar os empresarios no Arde Lvcvs, promovendo entre os establecementos a decoración inspirada na antiga Roma, facendose así máis atractivos ao público.
O segundo premio, dotado de 400 euros recaeu no establecmento de moda D´Nué e o terceiro, de 200 euros, en Veritas Veritais. Ambos os gañadores recibiron ademais un diploma acreditivo. Quedou deserto o primeiro premio, tanto para establecementos de hostalería, por non presentarse ningún escaparate, como de comercio, por non reunir os estándares mínimos para ser asignada a distinción.
A concelleira de Cultura, Carmen Basadre, agradeceu a implicación tanto dos 2 locais gañadores como dos 13 demais participantes, ao tempo que puxo en valor a orixinalidade e a esencia do Arde Lvcvs que desprendían as creacións.
