O Concello de Lugo vén de informar sobre a sentenza que obriga ao Executivo municipal a admitir como persoal laboral indefindo a catro extraballadoras da empresa concesionaria que xestiona o servizo de información municipal 010. Así, e en resposta ás críticas vertidas polo Partido Popular esta mesma mañá, o Goberno Local informou que procederá a recorrer a sentenza, seguindo as recomendacións da Asesoría Xurídica municipal.
O Goberno indica tamén que a orixe do devandito conflito laboral vén fundamentada na interpretación que recolle o convenio colectivo do sector ao respecto da subrogación dos traballadores deste ramo. Así, fronte as acusacións do vicevoceiro popular, o Goberno contrapón todo o proceso de regularización da situación laboral dos empregados da Administración local levada a cabo polo Executivo nos últimos meses, “facilmente contrastable cos numerosos procedementos convocados e, entre outras medidas, coa entrada en vigor da RPT, a posta en funcionamento dunha bolsa de traballo para 42 categorías profesionais así como a provisión das xefaturas de servizo, etc, etc que restan de toda credibilidade as manifestacións efetuadas polo PP”.
Abr 16, 2021 - 10:44 PM
Vaya,vaya,vaya. Ya anda el chico del PP liándola. Así que esas extrabajadoras quieren pasar a ser funcionarias, claro, cómo no, si cuela… Siempre estará él ahí para las causas “justas” Qué Crack ¡¡