A Deputada de Promoción Económica e Social, Sonsoles López Izquierdo, participou este sábado na entrega da XII Copa Príncipe de Voleibol ao CV Emevé. O club lucense proclamouse campión do torneo o pasado fin de semana no pavillón La Granadilla de Badajoz, despois de derrotar ao Mediterráneo Castellón (1-3) na final. O Goberno da Deputación colabora con esta entidade cunha achega de 116.500 euros para contribuír a sufragar os gastos derivados da tempada. Así, o Executivo decidiu incrementar a achega anual que recibe o club ata os 91.500 euros, concedendo ademais ao club un premio de 25.000 euros polos éxitos deportivos acadados na pasada tempada.
