A Unidade Operativa de Drons da AXEGA (Axencia Galega de Emerxencias) participa desde hoxe no dispositivo de busca do octoxenario desaparecido en Pol na tarde de onte na zona da Regada, en Carazo.
Foi un familiar o que contactou co 112 Galicia, minutos antes das 23 horas do martes, para informar de que non tiña novas do home desde primeiras horas da tarde. Deste xeito, o Grupo de Apoio Loxístico desprázase ata o municipio de Pol para tomar parte neste operativo, coordinado polos axentes da Garda Civil.
Desde o 112 Galicia informouse tamén a Urxencias Sanitarias de Galicia-061 e ás Agrupacións de Voluntarios de Protección Civil de Pol, Meira, A Pontenova, Riotorto, Lugo, Ribeira de Piquín e Baleira.
