Coma todos os outonos, volve un ano máis o Festival de Jazz de Lugo, que se celebrará entre o 3 e o 19 de novembro a súa XXXIII edición.
O festival congregará tanto a estrelas e primeiras figuras internacionais como a novos valores do jazz europeo, e por suposto, ao máis destacado do jazz nacional e galego.
Esta nova edición, organizada pola Asociación de Amigos do Jazz Escobijazz, chega a Lugo con 23 concertos que se repartirán entre os tres escenarios habituais – Círculo das Artes, Club Clavicémbalo e Casa do Saber – e achegará a Lugo a agrupacións como Ton Risco & Marcos Teira, Mike Stern Band, Kike Perdomo Quinteto, Camille Thurman & The Darrell Green Quartet ou Gran Canaria Big Band, entre outras.
