Xornada de freo no ritmo de contaxios na provincia de Lugo e que trae consigo un novo descenso de casos activos, por segundo día consecutivo.
Así o revela o último informe do SERGAS con datos recabados ata as 6 da tarde de onte e que cifra en 1437 as infeccións activas na provincia, 20 menos que na xornada anterior. Unha baixada que vén dada polo descenso tamén de positivos detectados, eso si, en cifras aínda moi altas con 51 diagnosticados novos; e a suba de altas médicas que xa rondan as 17.500 dende o inicio da pandemia.
No tocante á presión asistencial, os hospitais manteñen as boas cifras de xornadas anteriores con 28 pacientes covid en planta e 4 na UCI. Así, o HULA contabilizaba na tarde de onte 22 pacientes covid, 3 permanecían no Hospital da Mariña e outros tantos no de Monforte de Lemos.
Malia a melloría, non todo son boas cifras, nas últimas horas, Sanidade daba conta dun novo falecemento. Trátase dun home de 92 anos de idade que finaba no HULA logo de ser diagnosticado coa infección e que contaba con patoloxías previas. Con el suman xa 233 as vítimas que a covid cobrouse na provincia dende o pasado ano.
