A área de Gobernanza do Concello de Lugo desmentía na tarde de onte as denuncias de Cs sobre unha presunta modificación da Relación de Postos de Traballo do Concello, por parte do Goberno local mediante a publicación dunha corrección de erros no boletín oficial da provincia. A edil de Gobernanza, Paula Alvarellos lamentou así o descoñecemento de Cidadáns sobre o funcionamento da Administración local e dos pasos legais, dixo, que está obrigada a dar.
Segundo aclara a concelleira, unha vez aprobada a RPT, “por unanimidade de todos os sindicatos do Concello”, abríronse os prazos legais para que se presentaran alegacións e recursos de reposición. A este respecto, dos recursos presentados polos traballadores e trala avaliación técnica dos mesmos, 15 foron estimados e 11 desestimados. Os estimados recollían fundamentalente errores subsanables. Legalmente, explicou a edil, unha vez resoltos os recursos, a Administración local debe volver a publicar a Relación de Postos de Traballo cos errores xa solventados.
Con todo, lembramos que a principios de semana, Comisións Obreiras denunciaba ante os medios de comunicación, esta mesma modificación encuberta da RPT
