O grupo de En Marea no Congreso arrinca en Lugo a súa rendición de contas deste ano, previa á presentación dos orzamentos do Estado, para recoller tamén as demandas da cidadanía e poder trasladalas ao Congreso. Nestas rendicións de contas, os deputados e deputadas En Marea explicarán toda a súa actividade e as iniciativas presentadas en cada Comisión e no propio pleno.
Os cinco deputados e a senadora de En Marea, recorrerán o país desde este luns 19 de novembro e rematarán en Ourense o 17 de decembro. A convocatoria de Lugo será este luns 19 de novembro ás 20.00h no Local A Ferretería (Rúa San Froilán, 11, baixo).
