O Pazo de San Marcos acolleu este sábado a festa do breoganismo coa recepción por parte do Presidente da Deputación, Darío Campos Conde, e da Alcaldesa de Lugo aos xogadores e corpo técnico do CB Breogán. No acto tamén participaron o Presidente do club, Suso Lázare Rincón; o Deputado de Relacións Institucionais, Álvaro Santos Ramos; o Deputado de Deportes, Pablo Rivera Capón; e o Concelleiro de Deportes, Miguel Fernández Méndez, así como centos de afeccionados celestes.
