A Deputación de Lugo ilumina esta fin de semana a fachada do Pazo de San Marcos de cor verde e azul, sumándose así aos actos do Día Mundial das Enfermidades Raras. Unha iniciativa promovida pola Federación Galega de Enfermidades Raras e Crónicas (FEGEREC) e a Asociación de Enfermidades Metabólicas Hereditarias de Galicia (ASFEGA), co obxectivo de dar visibilidade ás persoas que padecen este tipo de patoloxías.
