O derradeiro Pleno provincial rematou coa metade dos deputados expulsados, así como cos máis devinte veciños de Becerreá que asistían ao mesmo, por ver se o goberno provincial aceptaba algunhas das emendas que fixeran para que a residencia de Becerreá se poia poñer en marcha este ano.
“Nada de isto ocorreu”, en palabras de Lurdes Fernádez, voceira da Plataforma pro residencia de Becerreá “só palabrería”. A voceira pediu no Pleno que se deixaran de palabras como “ estudiarase, compromiso etc. e aprobaran un presuposto para poder abrir a residencia que é o único xeito de compromiso real, o demais é palabrería”.
Non rematou aquí a pleno-bronca , xa que a piques de rematar o mesmo, un insulto proferido polo Presidente da Deputación José Tomé ao Voceiro do Partido Popular Antonio Ameijide, acabou, tamén, coa expulsión do popular, por protestar contra da ofensa do presidente e non estar no uso da palabra, Tomé dixo despois que era”politicamente falando”, con el saíron todos os deputados e deputadas da oposición.
