O PP presenta unha proposición de emerxencia ante a situación de bloqueo do 5% do Plan Xeral de Ordenación Municipal de Lugo, que leva paralizado dende o ano 2019.
“Dende o momento que se deu a coñecer que a Confederación paralizaba a tramitación do Plan Xeral pedimos diálogo coa CHMS presidida por un cargo do PSOE, así como tamén co equipo redactor, e solicitamos unha xuntanza de voceiros obtendo, de momento, a calada por resposta”, apuntan dende o PP, que desexan que o Concello resolva canto antes esta cuestión para “empezar a traballar na súa mellora e actualización adaptado á nova realidade do municipio co obxecto de captar investimentos, facilitar o impulso de novos proxectos empresariais e de vida así como a planificación ordenada do territorio”.
