A concelleira do Grupo Popular, Macamen lópez Silva, exise ao concello que arranxen o antes posible os problemas da Gardería Municipal Gregorio Sanz xa que cando chove “hai goteiras e filtracións en corredores e nalgunha aula”. Para a popular “o goberno local debe solucionar os problemas que hai nesta gardería municipal e deixarse de parches que non impiden que cada vez que chova se inunde o centro”.
Xa o pasado 15 de xullo de 2022 o PP denunciou problemas de climatización neste edificio pedindo “que se aproveitase o verán para buscar solucións. Pero sorprendentemente pese ao peche non se fixeron obras de mantemento”.
Para Macamen resulta “indecente a solución que lles deron que foi a entrega de dous ventiladores para cando vai calor, e 2 calefactores
verticais para utilizar os días que vai frio”.
López Silva o recriminan que “PSOE e BNG se poñan como exemplo de gobernos que aplican técnicas bioclimáticas e de enerxías renovables
cando en numerosos edificios públicos hai problemas debido a mala climatización”.
