O voceiro do Grupo Popular, Antonio Ameijide, propón crear tres novas zonas de xogo infantil en plazas de distintos barrios de Lugo. “A proposta que presentamos ten por obxecto humanizar e mellorar o espazo público para enriquecer a trama urbana da nosa cidade”.
O popular suxire “que se acondicione unha primeira zona recreativa na explanada de 1.600 m2 que hai na Ronda de Fontiñas entre o Carril das Flores e o de Caiñós”. Ameijide explicou que “a única oferta de parques que hai para Fontiñas son o dos Paxariños, que está completamente abandonado polos socialistas, e unha zona mínima ao pé do Centro Maruja Mallo que é insuficiente para dar servizo aos veciños do barrio”. Como complemento a esta intervención indicou que “se debería completar coa montaxe dun parque biosaudable para adultos nesta localización xa que hai a media de idade de Fontiñas acredita que hai moita poboación que se podería beneficiar dunha instalación destas características”.
Outra praza na que se podería facer unha intervención global é na de Soto Freire “estamos falando de 2.200 m2 de explanada nunha zona que está medrando e que dende o Grupo Popular pensamos que podería ser unha localización excelente para un segundo parque infantil e zona biosaudable”.
O terceiro parque infantil que se propón dende o Partido Popular ocuparía a zona que o Concello xa está arranxando na parte traseira do Cuartel de San Fernando logo de demoler as antigas caballerizas, almacéns e lavandería “trátase dun espazo duns 900 m2 ubicados na rúa Quiroga Ballesteros entre as rúas Amor Meilán e San Froilán”. Antonio Ameijide explicou este novo espazo público dinamizaría a actividade socieconómica desta zona xa que é un punto estratéxico por estar situado próximo a zonas peonís e cun colexio no entorno. Os populares afirman que daría servizo ao casco histórico na que só hai dous parques infantís que habitualmente están saturados (Campo Castelo e Cantiño).
“Con estas intervencións faríamos de Lugo unha cidade máis amable mellorando a calidade de vida dos veciños” concluíu o popular. O popular aproveita esta iniciativa para lembrar outra vella demanda do seu grupo instando a que se cubra o parque infantil de Augas Férreas e tamén reclamou “a revisión do estado de pavimento e dos xogos así como a necesidade de complementar con novos elementos aos diferentes parques do municipio de cara a renovar e manter en bo estado estas zonas recreativas”.
