O PP tilda de “correctivo” a Alvarellos o anuncio da alcaldesa de compensar ás empresas afectadas pola suba dos vaos

O portavoz do Grupo Popular, Ramón Carballo, agradecía esta mañá o cambio de postura do goberno local explicando que “estamos satisfeitos porque, por fin, a alcaldesa ceda e admita o sablazo que lle deron aos comerciantes este ano coa taxa do vao”.

O popular interpreta o anuncio que fixo a alcaldesa de que “se vai compensar ás empresas afectadas como un correctivo á concelleira de economía, Paula Alvarellos, quen declarou publicamente que rexeitaba a fórmula que o PP propoñía para evitar este sobrecusto na taxa dos vaos”.

Os populares lembran que o 6 de outubro cando solicitaron a reunión da Mesa de Ordenanzas “o noso grupo xa puxo sobre a mesa a necesidade de modificar a ordenanza que regula as pasaxes comerciais”. “Ata o de agora só quedounos claro que a concelleira de economía non vai reunir a mesa de ordenanzas e que se parapeta nunha postura máis propia dun réxime ditatorial que dunha democracia. Por ese motivo e do mesmo xeito que a alcaldesa corrixe á súa concelleira, despois de montarse este batifondo, pedímoslle que interceda para que se convoque a Mesa de Ordenanzas e podamos compartir e debater as propostas que temos e que se rexistraron o pasado día 28 de outubro.

Ramón Carballo volve reiterar aos socios do bigobierno de Lugo que non se pechen en banda a escoitar as nosas achegas “xa lles advertimos de que se ía a montar batifondo cos vaos e aos feitos remitímonos, do mesmo xeito que está a suceder cos sobrecustos dos recibos do auga”. “Nós o ano pasado votamos en contra da modificación da ordenanza dos vaos e avisamos que traería consecuencias”.

O portavoz popular reproba que “PSOE e BNG estean á defensiva e que esta postura lévelles a minimizar calquera das súas meteduras de pata”. O PP insiste en que “á vista do fracaso da súa política fiscal urxe convocar a Mesa de Ordenanzas onde deberiamos alcalzar o maior número de consensos que beneficien á creación de emprego e ao tecido empresarial”.