O Extra de Nadal da ONCE repartiu esta maña 23 millóns de euros en todo o Estado e Lugo levouse un dos primeiros premios nun cupón agraciado con 400.000 euros.
O cupón foi vendido por José María Rosende Fraga (que vende nos polígonos de Louzaneta e da Campiña en Lugo, así como en Paradela, Portomarín e Friol) e que coñece perfectamente ao cliente ao que llo vendeu, aínda que non pode desvelar a súa identidade. O que si dixo é que se trata dun traballador do polígono da Campiña, un rapaz novo con familia e que xoga sempre ao mesmo número.
