O vixésimo terceiro circuíto Corre con Nós ten previsto para este novo ano seis probas, a disputar entre xaneiro e xuño, con cambios de trazados nalgunhas das carreiras e máis protagonismo para determinados barrrios e contornas do municipio.
A tradicional carreira nocturna abrirá o calendario desta competición popular, o vindeiro día 18 de xaneiro, cunha proba na que os participantes percorrerán o centro da cidade, co que se dará o pistoletazo de saída á tempada atlética popular de Lugo, que xa tivo como preámbulo a vixésimo primeira edición da Lugo Monumental do pasado mes de decembro. Nos vindeiros días abrirase a inscrición para esta primeira carreira do Circuíto Larsa Corre con Nos na páxina web www.correconnos.com.
Ademais da carreira do vindeiro sábado, 18 de xaneiro, xa están previstas as datas para o resto das probas, que se disputarán os domingos 6 de febreiro, 16 de marzo e 20 de abril; o sábado 10 de maio e a última das probas coa que rematará o Corre con Nós, fixada para o domingo 8 de xuño.
A organización esta a estudiar o cambio de trazado nalgunhas das probas, que será anunciado no seu momento, co obxectivo de dar un maior protagonismo a determinados barrios da cidade e distintas contornas do municipio, ademais de variar algún trazado xa moi empregado nas ultimas edicións. Para todo iso, o Concello de Lugo, desde a área de Xuventude e Deportes, xa está a traballar na organización das diferentes probas, que novamente contarán coa máxima colaboración de Cruz Vermella, Policía Local e Protección Civil.
