O exalcalde de Lugo, José Clemente López Orozco, compareceu esta maña nos xulgados de Lugo para responder ás preguntas da xuíza Pilar de Lara, polas supostas irregularidades na promoción de vivendas de O Garañón.
A saída do interrogatorio, que durou preto de tres horas, Orozco declarou diante dos xornalistas que se sentía totalmente inocente e que actuou sempre conforme a dereito. A palabra máis repetida durante toda a comparecencia, diante dos medios de comunicación, foi “inocente”.
