IES Nosa Señora dos Ollos Grandes. Fonte: Páxinas Galegas.Javier Arias, delegado da Xunta de Galicia en Lugo, remitiu este martes, 10 de decembro, unha carta na que oferta a firma do convenio que habilitaría os aparcamentos dos institutos Lucus Augusti e Ollos Grandes para a súa utilización nos horarios non lectivos. Como indica no escrito, dende a Administración galega queren e deben “traballar de maneira coordinada” co Concello.
O delegado considera necesario a plasmación dun convenio para o axeitado avance do acordo, especificando as condicións de utilización e as responsabilidades asumidas por cada institución.
