Os Codex Cinema reciben este venres 27 ás 20.30 horas ao director do filme galego “O home e o can” Ángel de la Cruz e á actriz Estibaliz Veiga, que farán unha presentación da película e ao remate da mesma, un breve coloquio.
Ademais, este fin de semana as salas dos Codex estrean dous novos filmes: “A contadora de películas”, da directora Lone Sherfig, e a francesa “Divertimento”, dirixida por Marie-Castille Mention- Shaar
En “A contadora de películas”, María Magnolia é unha chilena que, a pesar de vivir nunhas condicións de vida difíciles, tenta transmitirlle a súa paixón pola arte á súa filla, María Margarita, que se converterá na contacontos da vila, onde a maior parte dos seus habitantes non poden pagar unha entrada de cine.
“Divertimento” retrata a historia real de Zahia Ziouani, unha moza francesa de orixe arxelino que soña con ser directora de orquestra. A súa irmá xemelga, Fettouma, é violonchelista profesional. Ambas medran acompañadas pola música clásica sinfónica e gustaríalles que esta música fose accesible a todas as persoas e en todas partes. Como conseguir ese sono tan ambicioso nos anos noventa, sendo muller, de orixe alxerina e vivindo en Seine-Saint-Denis? Con determinación, paixón, valentía e, sobre todo, co incrible proxecto de crear a súa propia orquestra, Divertimento.
