O Grupo Municipal de Cidadáns recibiu queixas por parte dos opositores inscritos nas prazas de bombeiros por un trato a favor na preparación da proba da gaiola, requirida para obter unha das 12 prazas que se ofertan.
A gaiola consiste nun circuíto pechado que teñen que realizar os aspirantes a escuras. A actual gaiola atópase no parque de bombeiros, polo que tan solo os 6 aspirantes que teñen praza interina poden practicar nela, mentres que os 400 inscritos non poderán utilizala hasta o día da proba.
“Isto facilita que os 6 interinos teñan máis facilidades para conseguir praza fixa que os demais participantes, polo que hai un trato de favor moi claro. Por iso solicitamos á alcaldesa que ou ben deixe a todos os inscritos poder practicar na gaiola ou que directamente eliminen esta proba”, considera o concelleiro de Cidadáns, Jesús Expósito.
As oposicións para bombeiro requiren unhas probas físicas moi duras, para as que a xente pasa anos preparándose, “nun sistema tan obxectivo e igualitario como é unha oposición, consideramos que isto enturba o proceso ao dar un trato de favor aos interinos, reducindo así á metade o número de prazas convocadas, xa que parece que 6 xa están adxudicadas”,opina Expósito.
