Nais e pais dos usuarios do servizo de Atención Temperá do HULA esixen a inmediata incorporación de persoal neste servizo dirixido a nenos de entre 0 e 6 anos de idade. Unhas 20 familias denunciaron esta mañá mediante un comunicado aos medios que o centro hospitalario está a dar altas precipitadas a pacientes nalgunhas das súas terapias ao acadar certos obxectivos que, segundo as familias, non son suficientes debido á falta de autonomía dos nenos participantes nas terapias.
Os pais alegan que a solución ao problema de saturación do servizo non pode ser a criba de nenos, alargar datas entre terapias ou impoñer certas normas en canto a puntualidade e asistencia.
