A exsecretaria provincial dos socialistas de Lugo Patricia Otero, será a segunda na lista que encabeza José Ramón Gómez Besteiro para o Congreso dos Deputados pola provincia de Lugo.
O comité provincial do PSOE de Lugo ratificou este mércores as candidaturas ás eleccións xerais do próximo 23 de xullo, que encabeza, como queda dito, o expresidente da Deputación de Lugo e actual delegado do Goberno, José Ramón Gómez Besteiro, cargo do que terá que dimitir para ser elixible.
Para o senado repetirá César Mogo, actual senador por esta provincia.
Quedan fora das papeletas ao Congreso, a cabeza de lista na anterior lexislatura Ana Prieto e Javier Cerqueiro quen ocupara a segunda praza nas anteriores eleccións.
