Unha persoa perdeu a vida, esta mañá, despois de precipitarse desde a fiestra dun edificio, na cidade de Lugo.
O 112 Galicia foi coñecedor do suceso, pouco antes das 10:00 horas, mediante a chamada dun particular que informaba da caída dunha persoa desde a ventá dun inmoble da Avenida Ramón Ferreiro.
De inmediato, os operadores do Centro Integrado de Atención ás Emerxencias de Galicia deron aviso aos servizos sanitarios e aos axentes da Policía Nacional e Local da localidade.
Finalmente, xa desde o lugar dos feitos, os profesionais de Urxencias Sanitarias de Galicia – 061 confirmáronlle ao 112 que nada puideron facer por salvarlle a vida á persoa.
