O equipo de goberno do Concello que conta con mayoría absoluta na Corporación someterá a Pleno a utilización de remanentes para diferentes actuacións. A proposta que conta co informe favorable de intervención someterase a Pleno o vindeiro martes día 29 de xuño.
En concreto destinarase unha partida de 50.000 euros para o museo e centro de interpretación das feiras e cumprir así co convenio xa asinado ca Consellería de Cultura na que a administración aporta 200.000 euros.
Construirase unha terceira pista de padel na que o Concello aportará 40.000 euros que se suman aos 40.000 euros xa aprobados por unha subvención da Xunta de Galicia.
Para os parques infantís tamén haberá unha partida específica de 60.000 euros co fin de ampliar a zona de xogos e mellorar os parques actuais. Os xardins municipais tamén se mellorarán cun investimento de 35.000 euros, repoñendo moviliario para mellorar o benestar dos monterrosinos e poder desfrutar dos espazos verdes do Concello.
Aportarase 15.000 euros nesta anualidade para o compromiso adquirido coa Conselleira de Infraestructuras e Vivenda para a construcción dun tanque de tormentas. Trátase dunha obra moi necesaria e na que xa se está traballando no proxecto técnico.
Tamén se mellorarán e humanizarán rúas municipais. En concreto mellorarase parte da rúa Concepción Arenal anchecendo as beirarrúas e mellorando a accesibilidade e seguridade, especialmente para o Centro de Saúde e a Gardería Municipal cambiando tamén a señalización, o cableado, así como o enfoscado do muro de bloque que hai na beirarrúa. Un tramo da rúa Rosalía de Castro tamén se mellorará modificando tanto o firme como humanizando a rúa.
A calle San Antonio e a Calle G sufrirán un importante cambio cunha aportación de máis de 50.000 euros para humanizar os espazos. Tamén se prevé o repintado da Avenida da Coruña e a mellora da accesibilidade de diversas rúas.
Trátase dunha aposta do equipo de goberno para continuar na súa línea de traballo humanizando espazos, mellorando e creando servizos, potenciando turísticamente os seus recursos e conseguindo que Monterroso continúe mellorando e avanzando no asentando de poboación, especialmente da máis nova.
