Mañá, sábado, 30 de novembro, ás 18,00h., no salón de actos do Centro cultural José Domínguez Guizán, lerá o Pregón de O Nadal de Begonte o Conselleiro de Educación, Ciencia, Universidades e F.P., Román Rodríguez González.
Con este motivo interpretarán diversas composicións os solistas, profesores das Escolas de Música Mancomunadas de Rábade, Begonte, Outeiro de Rei e Friol, Tabea Grase (voz) e Gerald Vázquez (compositor e pianista).
A salutación inicial estará a cargo do Presidente de Honra do Belén, Jesús Domínguez Guizán, e ao remate pechará os actos o alcalde de Begonte, José Ulla.
Representantes de Aspnais entregarán ao pregoeiro unha muralla en cerámica, confeccionada nos talleres desta institución.
Inmediatamente despois procederase á apertura do Belén de Begonte na súa LIII edición, que estrea voz en off explicando a historia do Belén, e o Museo do Belén.
