Hoxe presentouse na Ribeira de Piquín o plan “Montes e Vales Orientais Territorio Rural Intelixente” que este plan “comprende tres liñas principais de actuación que consisten na creación dun Centro de Innovación, Emprendemento e Participación Social, un proxecto piloto de vídeo asistencia socio-sanitaria dirixida ás persoas maiores e a promoción de vivenda de alugueiro para fixar poboación”.
A presentación asistiron, entre outras autoridades, a Sudelegada do goberbo Isabel Rodríguez e o delegado da Xunta en Lugo Javier Arias. No trancurso da presentación a subdelegada subliñou a “necesidade de desenvolver proxectos de innovación social na provincia para facer fronte ao despoboamento do medio rural. “Dende as administracións é urxente traballar para dar resposta a unha responsabilidade común como é o reto demográfico, por iso debemos contribuír ao reequilibrio territorial e garantir a igualdade de oportunidades para que as persoas que viven no medio rural sigan vivindo del, ao tempo que atraemos e asentamos nova poboación nas nosas vilas”.
Pola súa banda o delegado da Xunta explicou que tanto este como outras iniciativas desenvolvidas polo GDR están orientadas “a xerar novas oportunidades de negocio e de emprego así como infraestruturas e dotacións nos trece concellos que conforman o seu ámbito de actuación”.
Arias tamén sinalou que “a Axencia Galega de Desenvolvemento Rural traballa na creación e desenvolvemento de proxectos produtivos no rural, a mellora de infraestruturas, ou a ordenación e mobilización de terras.
Este plan auspiciado pola FEGAMP a Xunta e o GDR, ten como principal obxectivo a transformación das aldeas e vilas desta zona da provincia en espazos para a vida, o emprego e a autonomía da comarca”. Este GDR abarca os municipios da Pontenova, Meira, Ribeira de Piquín, Pol, A Fonsagrada, Negueira de Muñiz, Baleira, Navia de Suarna, Baralla, Becerreá, Cervantes, Láncara y Pedrafita do Cebreiro.
Por último, a subdelegada advertiu que reverter décadas de concentración urbana e de abandono rural é un proceso longo e complexo que require impactos de transformación urxente e iniciativas que calen no tempo. “Por iso é a hora de sumar entre todos, de traballar máis e máis rápido, para aproveitar os recursos dos que dispoñemos”, apuntou.
