Cita ineludible para a afección do Ribeira Sacra Breogán hoxe a partir das nove, no Pazo dos Deportes. Os celestes reciben ao Palencia no primeiro asalto do play off de ascenso.
O Consello de Administración da entidade celeste decidiu agradecer a fidelidade dos aboados que levan apoiando ao equipo durante toda a tempada, coa inclusión dos encontros de play off no abono. Ademais, os aboados terán na súa man axudar a encher o Pazo mercando unha entrada a prezo reducido para un acompañante.
Pola súa banda, Club Deportivo Lugo recibirá a visita do Alcorcón, no estadio Ángel Carro, este sábado dende as catro da tarde. O partido corresponde á trixésimo quinta xornada da Liga Adelante e será televisado en directo por LaLigaTV.es.
