Un profesor que impartía clases nunha escola de Lugo foi enviado a prisión provisional por un presunto delito de pornogarfía infantil. A detención produciuse a semana pasada, despois de que a Policía Nacional atopara no ordenador do detido máis de 4.000 arquivos de carácter sexual nas que aparecían adolescentes.
O home, duns 40 anos, casado e con fillos, foi descuberto grazas á unha investigación da Policía Nacional, na que detectaron que unha IP localizada en Lugo estaba descargando arquivos con materiais pornográficos constitutivos de delito, xa que aparecían menores de idade.
Tras o descubrimento, a policía acudiu ao domicilio do acusado para proceder á súa detención e ao rexistro do seu domicilio e do seu ordenador e discos duros.
Foi a titular do Xulgado de Instrucción 2 de Lugo, Sandra Piñeiro, que decidiu firmar a orde de ingreso en prisión deste profesor, xa que a súa profesión supoñía establecer relacións cercanas con menores de idade. A xuíza tamén decretou o segredo de sumario mentras se leve a cabo a investigación.
