O Concello de Lugo celebraba hoxe unha nova reunión da Comisión de Festas para continuar coa programación do San Froilán que debería arrancar nuns 15 días.
A poucos minutos do comezo da Comisión, e logo de que o Partido Popular anunciara a súa ausencia na reunión, medio centenar de barraquistas e feirantes manifestábanse ás portas da Casa Consistorial esixindo que o Goberno local lles permita montar os seus postos no San Froilán.
Ante pitos e berridos, a edil titular da área de cultura presentouse ás portas do Concello, diante dos manifestantes para explicarlles as limitacións impostas pola Xunta de Galicia e que, segundo dixo a concelleira, non lles permitía montar barracas.
Cando a edil se dispoñía a entrar no Concello xunto ao seu equipo, os manifestantes empuxaron as portas do Consistorio onde se meteron para continuar coa súa protesta. Alí, entre berros de “Queremos traballar!”, aplausos e pitos, impediron a celebración da Comisión de Festas na que se ía dar o visto e prace á celebración dun San Froilán sen barracas.
Finalmente, 4 patrullas da Policía Local e outras catro da Nacional tiveron que facer acto de presencia no Concello lucense para desaloxar a feirantes e barraquistas, que baseaban as súas protestas no bo funcionamento dos seus postos noutras festas galegas como as de Lalín.
Set 20, 2021 - 01:54 PM
Ese é o día lago da parede! O que empregan os progre-politicos do concello de Lugo. Nunca teñen nin saben nada de nada, sempre lles impón a xunta ou crito bendito. E o que hay!