Renovase o asfalto do tramo da avenida da Coruña fronte ao parque de Frigsa

Durante o día de hoxe, desde a área de Mobilidade e Infraestruturas realizouse o arranxo do asfalto da avenida da Coruña, entre a rúa Camiño de Pipín e a avenida Reverendo Xosé Fernández Núñez.

Debido ao desenvolvemento dos traballos, fíxose necesario o peche dun carril de circulación e a eliminación temporal de prazas de estacionamento, que foron debidamente sinalizados con antelación para informar á veciñanza da contorna.