O concelleiro de Infraestruturas do Concello de Lugo Alexandre Penas, informou que, durante esta semana, a Brigada de Obras municipal procedeu a retirar unha serie de valados de obras nas rúas Zarra, Pomar, República Arxentina, Mestre Méndez e na Ronda de Fingoi.
Estes valados son colocados mentres se desenvolve a obra para identificar á entidade promotora é a empresa encargada de realizar os traballos. Penas afirmou que “desde a concellería de Infraestruturas retiramos unha serie de valados de obras antigas, cuxo prazo para estaren colocados xa pasou hai tempo, co que melloramos a estética das zonas afectadas”.
