O festival SanFroiDance abrirá as actividades do San Froilán 2016 que mañá comeza na cidade de Lugo. Segundo o organizador do evento, Álvaro Pardo, todos os que se acheguen poderán gozar de multitude de DJs especializados na música electrónica, na música negra así como outros estilos.
As actuacións comezarán ás cinco da tarde na Praza da Soidade e acudirán DJs como Goma2Crew & Eleka Familia, DJ Koo, DJ Caution, DJ Ozetak, Show-Case: Kiki Sound aka Kamikaze feat Sho Hai & Original e DJ Tedu.
