O propietario da fábrica de Sargadelos, Segismundo García, anunciou esta mañá o peche da mesma logo de que a inspección de traballo o denunciara por 36 deficiencias impoñéndolle unha multa de 5.000€ e comunicándolle que debe subsanar ditas deficiencias nun prazo de tempo que o conselleiro delegado de Sargadelos di non poder cumprir.
Sargadelos está declarado Ben de Interese Cultural e as obras que habería que cometer, só de permisos poderían durar de seis meses a un ano, polo que o directivo declarou que ante a imposibilidade de acometer ditas obras en forma e prazo, tomou a decisión de pechar a factoría para que segundo manifestou “non haxa problemas de saúde para os empregados”.
Esta mañá os empregados de Cerámicas Sargadelos en Cervo non daban crédito á noticia e amosaban a súa incredulidade á espera das novas sobre a situación que se xera con esta decisión.
