Se onte volvía subir o número de casos activos por Coronavirus na Área Sanitaria de Lugo, hoxe, ao igual que antonte, volveuse producir unha baixada. Así as cousas, os infectados pola enfermidade baixaron ata os 2114, corenta e dous menos.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 17.742 deles 4.526 son da área da Coruña, 2.114 da de Lugo, 1.401 da de Ourense, 2.331 da de Pontevedra, 4.317 da área de Vigo, 1.999 da de Santiago e 1.054 da de Ferrol.
Do total de pacientes positivos, 54 están en UCI, 255 en unidades de hospitalización e 17.433 no domicilio. Polo de agora, en Galicia hai un total de 143.955 persoas curadas, rexistrándose 2.489 falecementos.
O número de PCR realizadas é de 2.610.873.
