Para CCOO as declaracións, en sede parlamentaria, do Ministro Da Serna non despexan en absoluto as incertezas que ameazan ao operador postal público na medida en que “o recorte financeiro prodúcese sen que houbese modificación algunha respecto da extensión na prestación do SPU e engrosará, ademais, as perdas previstas na conta de resultados de Correos para 2017 favorecendo, de pasada, a lobbies privados moi interesados en que o operador público entre en fase de desmantelamento progresivo e sen capacidade de construír un proxecto estratéxico sólido a longo prazo”.
Para o sindicato, o recorte responde a un criterio político e non obxectivo. “Carece de toda lóxica que nos anos de crises mantívose o orzamento consignado a Correos para a Prestación do Servizo Postal Universal e que este ano aplicasen este severo tesoirazo”.
Recorte que para CCOO vai poñer en xaque á empresa pública, a vertebración territorial, social e económica do país, porque “ este recorte é un machadazo ao servizo público que se presta aos cidadáns, ás empresas e ás administracións públicas, cunha clara redución da calidade, a extensión e a regularidade”.
CCOO, como xa veu sinalando tanto en solitario como de maneira conxunta co 85% da representación sindical de Correos, rexeita un recorte orzamentario que, para maior abondamento, prodúcese sen que, transcorridos seis anos desde a aprobación da Lei Postal, o correo público dispoña aínda do Plan de Prestación que daquela se contemplába, sen un novo Plan Estratéxico que defina os obxectivos empresariais a curto, medio e longo prazo, cun Convenio Colectivo bloqueado desde hai máis de tres anos, co salario dos traballadores e as traballadoras conxelado durante seis anos e unha deriva, desde a xestión dos recursos humanos, marcada polos recortes permanentes, a flexibilización, a implantación de minijobs e a redución de máis de 15.000 empregos nos últimos anos.
Ante esta situación, CCOO apelou ao Ministro de Fomento e á Presidenta de SEPI a que tomen cartas no asunto para corrixir no trámite parlamentario o recorte que pode poñer en serios problemas a viabilidade do operador postal público e o emprego de miles de traballadores e traballadoras.
