Lixeiro aumento dos contaxios na última xornada e da presión asistencial nunha xornada de estabilidade en canto ao número de casos activos que continúa sen cambios, en 204 persoas.
Así se desvela no último informe do SERGAS con datos recompilados ata as 6 da tarde de onte, e que contabilizan en 13 os positivos detectados, 5 máis que os localizados na xornada anterior, probablemente debido a un gromo na capital e que xa suma unha trintena de persoas.
Tamén aumenta levemente a presión asistencial que hoxe suma dous ingresos nas plantas de hospitalización do HULA e do Hospital de Monforte mentres que o da Mariña resta un paciente covid. Así, en total son 12 os ingresados en unidades convencionais, 6 no hula, 2 no Hospital da Mariña e 4 en Monforte. E UCI continúan 4 pacientes covid, todos eles no HULA.
No tocante ás altas médicas, dende o comezo da pandemia rexistráronse 11965 persoas curadas, 14 delas nas últimas horas.
