Xa están listas as carrozas nas que viaxaran por Lugo as súas maxestades os reis de oriente mañán domingo, 5 xaneiro, na cabalgata de Reis. Serán 4 as carrozas, e despois da súa chegada á nosa cidade engalanaranse e preparanse para que participen na Cabalgata que este ano será acompañada por música e 14 espectáculos que farán vibrar a todas as persoas presentes.
O percorrido definitivo da cabalgata volverá ser o habitual, partindo do Parque e continuando pola avenida da Coruña. A entrada no recinto histórico será pola Porta de San Fernando e continuará percorrendo as rúas San Fernando e San Marcos, para chegar á praza de Santo Domingo e continuar pola rúa da Raíña, antes de rematar na praza Maior. O desfile contará con 4 carrozas e 14 espectáculos que inclúen a partipación de 80 actrices, actores e músicas.
Durante o desfile polas rúas de Lugo repartiranse 1.500 quilos de caramelos, e as nenas e nenos que saúden aos Magos de Oriente no Concello recollerán un dos 3.000 cornetes de lambetadas, que levarán tamén un pequeno xoguete como recordo da chegada dos Magos a Lugo.
