O delegado territorial da Xunta en Lugo, José Manuel Balseiro, mantivo hoxe unha primeira reunión de traballo con Rocío Carreira logo de que tomara posesión como nova xefa do Servizo Territorial de Augas de Galicia en Lugo, na Consellería de Medio Ambiente e Ordenación do Territorio
Carreira é enxeñería de camiños, canles e portos e dende o ano 2009 leva desempeñado diversos postos en Augas de Galicia e na Empresa Pública de Obras e Servicios Hidráulicos ( EPOSH), participando en proxectos como a elaboración do Plan de seca de Galicia-Costa ou do Plan Hidrolóxico de Galicia-Costa. Dende o ano 2014 viña exercendo como inspectora ambiental.
