Traloagro erixiuse como gañador do XXV Premio Aresa de Desenvolvemento Rural, segundo deu a coñecer esta tarde, no Pazo de Montenegro de Lugo, o xurado encargado de emitir o ditame deste galardón convocado de maneira conxunta polo Grupo Aresa e a USC.
O xurado desta edición, na que se recibiron 13 candidaturas, estivo composto polo reitor da USC, Antonio López Díaz; o vicerreitor de Organización Académica e do Campus de Lugo, Francisco José Fraga López; a presidenta de Aresa, Carlota López Pardo; o CEO de Torre de Núñez, José Manuel Núñez Torre, e o exreitor e catedrático de Ciencias da Computación e Intelixencia Artificial, Senén Barro Ameneiro.
Ao remate do acto, anunciouse a data de entrega do galardón. O vindeiro venres 21 de febreiro a facultade de Veterinaria do Campus de Lugo acollerá a cerimonia.
O premio está dotado, como vén sendo habitual, con 10.000 euros e un diploma de mérito.
Xunto con Traloagro, presentáronse como candidatos desta Chichalovers, Agrolistik, Aldealista, Asociación Fonte do Milagro, Asociación Mariñas Betanzos, Cátedra do Pan e do Cereal, Proxecto H2GZ Área Viveiro, Muvicla, Asociación Raíña Paraíso, Biogás-Frigoríficos Bandeira, Foro Emprendemento Rural e Gandería Quintián.
