Tres persoas foron trasladadas ao Hospital de Lugo con síntomas de intoxicación por inhalación de fume a causa dun incendio declarado nunha vivenda da Plaza de Alicante.
O lume foi sufocado polos ocupantes do piso e soamente alcanzou a un sofá.
Con todo, o suceso causou a alarma dos veciños do inmoble que, tras percibir fume polo patio de luces, chamaron ao 112 Galicia para pedir axuda cando daban as 16:30 horas de hoxe. Así, desde o Centro Integrado de Atención ás Emerxencias de Galicia, pediuse a colaboración dos bombeiros da cidade co fin de atallar as chamas o antes posible. Sen embargo, á súa chegada, os ocupantes da vivenda conseguiran apagalo.
Iso si, tres persoas resultaron afectadas e tiveron que ser evacuadas ao Hospital de Lugo con síntomas de intoxicación por inhalación de fume.
Ademais dos profesionais sanitarios, no operativo participaron tamén os axentes da Policía Local
