Un home foi condenado a tres anos e nove meses de cadea polos delitos que cometeu en 2021 despois de fugarse dun control policial e levar por diante a un dos axentes que lle dera o alto.
Os feitos aconteceron o 8 de outubro de 2021, cando o acusado conducía pola N-6 sen ter carné de conducir. Arredor do kilómetro 550, unha patrulla da Garda Civil de Lugo deulle o alto para sometelo a un control preventivo de alcol e drogas. O home non só no parou, senon que levou por diante a un dos axentes, provocándolle varias feridas nunha perna. Na súa fuxida, ademais, cometeu varias infraccións moi graves, poñendo nun ran risco ao resto de condutores.
Polo delito de atentado, o delito contra a seguridade vial e o delito leve de lesións, o Ministerio Fiscal pedía unha condena de 6 anos de prisión e outros tantos de retirada de carnet. Sen embargo, o acusado admitiu a súa culpabilidade para poder chegar a un acordo de conformidade entre ambas partes. Ademais, deberá pagar 3.228 euros polas lesións e 2.00 máis polas secuelas que lle provocou ao axente, que precisou de 97 días para recuperarse.
O acusado, un home de 27 anos, declarou por videoconferencia dende a prisión de Bonxe (Lugo), xa que está cumprindo condena por outros delitos contra a seguridade vial.
