Ata tres turismos se viron implicados esta mañá nunha colisión múltiple que tiña lugar no concello de Castroverde e no que non houbo que lamentar feridos. Segundo o servizo de emerxencias 112, o sinistro tivo lugar contra as once e media da mañá e tratouse dunha colisión por alcance.
Segundo o particular que alertou do incidente, os vehículos circulaban pola LU-530, ao redor do punto quilométrico 21.500. O 112 Galicia informou aos axentes de Tráfico e ao persoal do servizo de mantemento da estrada que se encargou da limpeza da vía.
