Dous camións colidiron esta tarde na Autovía A-6, en sentido Madrid, ao seu paso polo concello lucense de Begonte. Un dos vehículos implicados estaba parado por mor dunha avaría e outro bateu contra el.
Os condutores resultaron ilesos. Con todo, producíronse retencións no tráfico que se prolongaron mentres duraron as tarefas de limpeza da vía. Un dos camións implicados transportaba cervexa, e, a causa do golpe, perdeu parte da súa carga.
O 112 Galicia rexistrou o accidente pasadas as dúas desta tarde e, dende o Centro de Atención ás Emerxencias de Galicia informouse aos axentes da Garda Civil de Tráfico.
