O temporal de chuvia e vento está a deixar preto dun cento de incidencias nas estradas provinciais nas últimas horas, polas intensas precipitacións e fortes rachas de vento que afectan ao conxunto da provincia de Lugo.
Ata o de agora mantéñense abertas todas as vías ao tráfico e traballase de maneira puntual en cada unha das alertas que se vai detectando ao longo da xeografía da provincia. Os principais danos pasan pola caída de árbores e pólas, desprendementos de terra e bolsas de auga.
